Hasieratik amaiera arte. Gure etxe berriaren estreinaldia ezin zen hobea izan. Reale Arenak Atletico de Madriden aurka bizitakoa handia izan zen, emozioz eta garaipenez beteko gaituen bide luze baten hasiera. Arratsaldeko lehen orduetatik zaleek, Realaren Lagun Taldea eta txarangaren laguntzarekin, Amaratik zelaira joan ziren giroa berotuz. Barruan gertatutakoa, dagoeneko, familia txuri-urdinaren oroimenean dago betirako.