Xabi Prietok futbola utziko du denboraldi amaieran. 10 txuri-urdinak gaurkoan adierazi du bere futbolari ibilbide eredugarriari bukaera emateko erabakia. 530 partida jokatuta orain arte, gure klubarekin neurketa gehien jokatu dituen bosgarren jokalaria da eta ‘One Club Men’-en zerrenda apartekoari batuko da. Zelai barruan nola kanpoan erakutsi duen klasea familia txuri-urdinaren memorian betiko gogoan geratuko da. Mila esker Xabi!
Xabi Prieto Anoetako Estadioan agertuko da bihar arratsaldean.