Belar hockeyko gure taldeak garaipen garrantzitsua lortu du gaur arratsaldean Sardineroren aurka Zubietan (2-0), sentsazio onak eta hiru puntuak berreskuratzeko aurreko asteko etenaldiaren ondoren. Partida ezin hobeto hasi da gure taldearentzat. 7. minutuan, Sofía Keenanek aurkariaren atezaina gainditu du lehen gola sartzeko eta, soilik sei minutu geroago, donostiarrek markagailuko aldea handitu dute, oraingoan Leire Zubizarretaren eskutik.
Bigarren zatian, gipuzkoarrek defentsan edukitako sendotasunari eutsi diote eta jokoaren kontrola mantendu dute. Horri esker, taldeak ez du gehiegi sufritu behar izan partidan zehar. Markagailua ez da gehiago mugitu eta, horrela, garaipenaren bidera itzuli dira txuri-urdinak, azken bi jardunaldietan jasotako porrot gorrorren ostean. Datorren astean berriro ere Zubietan arituko dira, oraingoan RS Tenisen aurka, etxean indartsu jarraitzen saiatuko diren norgehiagoka batean. Atxurrak gora!
Disfruta de tu nuevo carnet digital 
Zure informazioa eta datuak konsultatu edo aldatu
Zuretzat bakarrik ekintza eta promozio bereziak
Zozketak, sariak, 360 bideoak, etabar
Gure taldeen eta jokalarien estatistikak
Gure artxibo historikoa kontsulta egin
Audioak, postalak, posterrak eta aldizkariak jeisteko prest.
Zure argazkia taldearekin