Realeko gizonezkoen atletismo taldeak hirugarren postu bikaina lortu zuen larunbatean Madrilen pista estaliko kluben Espainiako Kopan. Jorge Torrek, 1.500 metrotan, garaipena lortu zuen.
Realak puntutan berdindu zuen Fent Cami Mislatarekin, baina banakako garaipen horrek hirugarren postua eman zien gipuzkoarrei. FC Barcelona izan zen txapelduna eta Playas de Castellón bigarren izan zen.
Emaitza bikain honen ondoren, orain pista estaliko denboraldiko banakako lehiaketa handiak datoz. Bi aste barru Ourensen Espainiako Txapelketa absolutua jokatuko da.