Igoera etengabea

Sansek garaipen garrantzitsua lortu du gaur Zamudion. Muguruza (2) eta Jauregiren golek Sanseren goruntzko norabidea mantentzea ahalbidetu dute.

Partida hasiera bikaina izan da, lehen ordu laurdenerak bi gol sartu baititu. Mugurazak egin du lehena eta Jauregik bigarrena. Partida lasaia izango zela zirudien baina etxekoek berehala gola egin eta markagailua estutu dute. Atsedenaldiaren aurretik Muguruzak berriro gola egin du lasaitasun handiagoa emanez txuri-urdinei.

Bigarren zatian etxekoek bultza egin dute, ez baitzuten ezer galtzekorik. Horrela, bigarren gola egin dute penaltiz. Sufritu egin du Sansek azken minutuetan baina sendo mantendu da puntuak etxera ekartzeko.

Gipuzkoarrak goruntz darraite eta datorren astean derbi polita dute aurretik. Bilbao Athletic jasoko dute Zubietan.

Fitxa teknikoa

Zamudio: Barandiaran, Garmendia, Etxaniz, Celador, Franco, De Eguino (Urcelay, min.32), Huidobro (Lozano, min.78), Larrazabal, Imaz, Barahona, Garmendia (Sarriegi, min.81).

Sanse: Zubiaurre, Ibarbia, Lapeña (Ugarte, min.78), Le Normand, Rodrigues, Zubeldia, Guevara (Olaizola, min.85), Muguruza, Sangalli, Merquelanz, Jauregi (Gorostidi, min.73).

Golak: 0-1: Muguruza, min.6; 0-2: Jauregi, min.13; 1-2: Barahona, min.19; 1-3: Muguruza, min.39; 2-3: Imaz, min.61;

Epailea: Herrero. Txartel horiak: De Egino, Barahona, Urcelay, Etxaniz eta Sarriegi, eta Lapeña eta Sangalli.