Joma Kopako txapeldunak

Realak bere historiako lehen Joma Kopa lortu du gaur arratsaldean Valentzian bere atletismo taldearekin, pista estaliko Espainiako kluben txapeldun izendatuz. Talde donostiarrak FC Barcelonaren eta Facsa Playas de Castellonen bi hamarkadetako nagusitasuna hautsi du, titulua 45 ediziotan irabazi duen zazpigarren kluba bihurtuz. Andoni Calbano (200m), John Cabang (60m hesi-lasterketa) eta Martin Segurola (3.000m) izan dira protagonista nagusienak beraien lehiak irabazi ondoren. Realak 4x400 metroko errelebo bikaina egin du (3:13.91) garaipena ziurtatzeko, Fent Camí Mislataren eta Playas de Castellonen aurretik amaituz. Cabang aukeratu dute lehiaketako atletarik onena (MVA), club txuri-urdinaren jardunaldi historikoari amaiera ezin hobea emateko. Zorionak talde osoari!