Konstantzia mantentzera

Gazteak jokoen eta emaitzen dinamika onean murgilduta iritsiko dira jardunaldi berri honetara, baina konstantzia horri eustea ezinbestekoa izango da Barakaldo behartu bat mendean hartzeko. Leioan partida oso bat jokatu eta gero, Xabi Alonsok zuzentzen duen taldeak hiru puntu berri bilatuko ditu promozio postuetan jarraitzeko. Partida zuzenean emango da www.realsociedad.eus webgunean.

Hirugarren talde txuri-urdinak lan onaren jarraipena aurkitu du emaitza moduan, eta konfiantzaz gainezka iritsiko da larunbatean Beasainen aurkako derbira. Talde goierritarrak, sailkapenean bi puntu gutxiagorekin, azken jardunaldietan lortu ez duen garaipena bilatuko du. Lehia polita Loinazen biziko dena.