Realak garaipena lortu du Sorian estreinatu den Ohorezko Mailako ligan. Oso lehia parekatuan, Realak 194,5 puntu lortu zituen, Scorpiok baino 22,5 gehigo lortuta. Atletismo Numantinok 163 puntu lortu zituen eta SG Pontevedrak 157,5.
Gipuzkoako errekorra
Banakako marka onena Istar Dapenak lortu zuen. Bere Gipuzkoako errekorra hautsi zuen zentimetro batean. Arrasateko atletak 5,32 metro gainditu zituen.
Jainagaren itzulera
Lesio bat dela eta, Odei Jainaga eibartarra lehiaketara itzuli zen urtebete ondoren. Marka ona lortu zuen jabalina jaurtiketan, 70,41 metrorekin.