Real Sociedadeko atletismoko gizonezkoen taldeak denboraldiko hitzordu garrantzitsuenetako bat du larunbatean Valentziako pista estalian. Errege Kopan egongo dira gure mutilak. Espainiako zortzi talde onenak elkartzen dira urtero txapelketa honetan eta Realaren helburua podiumeko hirugarren lekura igotzea da.
Pasa den urtean, gure mutilek lortu zuten, eta arrakasta errepikatu nahi dute larunbatean Valentzian. Txapelketa hau irabazteko faborito nagusienak Playas de Castellon eta FC Barcelona taldeak dira.
Hau izango da Realak aurkeztuko duen taldea:
60 metro: Octavian Mihail Romanescu
200 metro: Alberto Muñoz
400 metro: Adrián Rocandio
800 metro: David De Blas
1500 metro: Jorge Torre
3000 metro: David Lorenzo
60 metro hesiak: Javier Colomo
Altuera jauzia: Carlos Cid
Luzera jauzia: Asier San Sebastián
Jauzi hirukoitza: Iñigo Uribarren
Pertika jauzia: Istar Dapena
Pisu jaurtiketa: Joseba Berasain
4x400: Adrián Rocandio, Gen Estaban San Millán, Itoitz Rodríguez eta Ibai Serrano
Arrospide eta Jainaga
Iraitz Arrospide Puerto Sagunton jokatuko den Espainiako maratoi erdiko txapelketan egongo da igandean. Distantzia honetako Munduko Txapelketarako plaza bat lortzea da bere helburua. Odei Jainagak, berriz, denboraldi honetako debuta egingo du Gasteizen.