Villabonako jokalariak seigarren denboraldia du Realean. Talde txuri-urdinean sartu zenetik, 2011n, Itziar Gastearena protagonismoa hartzen joan da taldean. Erdilari moduan ekin zion kirol ibilbideari Realean, baina azken denboraldietan eskuineko alboko moduan finkatu da. Izaera erasokorra du, azkarra, erabakitzailea eta bizia bere jokaldietan. Ezin hobeto ezagutzen du gipuzkoar taldea, eta 23 urterekin ekarpen handia egin diezaioke talde realzaleari.