Realak amaitutzat eman du aurredenboraldia gaur arratsaldean Bournemoutheko Vitality Stadiumean. Txuri-urdinek hutsean berdindu dute talde ingelesaren aurka, donostiarrek datorren larunbatean LaLigako estreinaldian Valentzian jokatuko dutenaren antz handia izan duen norgehiagokan.
Partidak erritmo bizia izan du hasieratik, bi taldeek iritsiera asko eta erasoak elkarbanatu baitituzte. Reala txisparekin eta zehaztasunez ikusi da erasoari dagokionez. Azken jokaldian, atsedenaldia baino lehentxeago, Petrovicek penalti bat gelditu dio Oyarzabali, eta, aldaratzean, zutoinaren hegalera bidali du Martinek.
Bigarren zatian etxekoek asko egin dute bultza, baina Remirok eta atzelariek ondo konpondu dituzte ingelesen erasoak.
Aurredenboraldia amaitu da. Agur entsegu eta proba guztiei. Sentsazio onekin, txuri-urdinek ilusioz beteriko beste ikasturte bati ekingo diote larunbatean.
Fitxa teknikoa:
AFC Bournemouth: Petrovic, Truffert (Adu-Adjei, 60.min), Araujo, Senesi, Hill, Brooks (Silcott, 80.min), Adams, Tavernier, Semenyo, Kroupi eta Winterburn.
Real Sociedad: Remiro, Aramburu, Martín (Beitia, 75.min), Zubeldia, Sergio Gómez, Turrientes, Sučić (Javi López, 75.min), Brais Méndez (M. Rodríguez, 75.min), Take, Oyarzabal (kap.) eta Óskarsson (Mariezkurrena, 60. min).
Epailea: Thomas Bramall. Txartel horia Brooks etxeko jokalariarentzat.
Disfruta de tu nuevo carnet digital 
Zure informazioa eta datuak konsultatu edo aldatu
Zuretzat bakarrik ekintza eta promozio bereziak
Zozketak, sariak, 360 bideoak, etabar
Gure taldeen eta jokalarien estatistikak
Gure artxibo historikoa kontsulta egin
Audioak, postalak, posterrak eta aldizkariak jeisteko prest.
Zure argazkia taldearekin