Real Sociedad Fundazioak eta Kutxa Ekoguneak ingurumenari buruzko kontzientziaziotik ekintzetara igarotzea sustatzen dute, Anoetako estadioan jasotako pipa azalak ongarri bihurtzeko proiektu batekin.
Azken urtean 100 tona pipa inguru kontsumitu ziren liga osoko futbol estadioetan. Eta pipa horien azalen %70 baino gehiago lurrera bota ziren. Horrek arazo bat dakar, garbitasunaz haratago, beste hondakin batzuekin nahasi eta ezin direlako birziklatu. Aitzitik, bereizita jasotzen baditugu, errefusa izatetik lehengai baliotsu izatera igaro daitezke.
Horregatik, Real Sociedad Fundazioak eta Kutxa Ekoguneak, Ekotraderen lankidetzarekin, ekimen berritzaile bat garatu dute, Espacios Intermedios diseinu estudioak asmatua, gestio sozialean eta ingurumenekoan urrats bat aurrera egiteko. Horretarako, “Anoetatik Gipuzkoako Baratzetara” kanpaina sortu dute, eta hortik aterako den produktua ongarri bat da, Anoetako estadioan jasotako pipa azaletatik sortua, Kutxa Ekogunearen Gipuzkoako baratzetako lurra ongarritzeko.
Zertan datza egitasmoa? Zaleei ontzi laranja biodegradagarri bat emango diegu, landareen tintaz diseinatua, partidan zehar pipa azalak sartzeko. Horrela, proiektuaren aktore nagusi bihurtuko dira, parte hartzea erabakigarria izango baita arrakasta izateko.
Partiden ondoren, zaleek berariaz jarritako kolore berdineko edukiontzietan sartuko dituzten ontziak. Ondoren, baratzetako hondakin freskoekin nahastuko dira, konpostatzeko metetan, eta, 9-12 hilabeteko prozesu baten ondoren, ongarri zaku bihurtuko dira Gipuzkoako lurrerako. Horrenbestez, egitasmoaren sinbolo bat edukiko dugu, jendearen ekarpena gauzatuz eta objektu baliotsu bihurtuz.
Proiektua Anoeta Estadioan tribunaz-tribuna jarriko da martxan, azken bi partidetan Estadioko Ekialdeko Tribunaren Goikaldean probatu eta emaitza bikaina lortu ondoren.
Hurrengo bi partidetan Ekialdeko Tribunaren Behekaldean eta Aitor Zabaleta Tribunaren Goikaldean martxan jarriko da projektu, ondoren beste tribunetara hedatzen joateko.
Projektu hau Estadioan hedatzeko ATZEGIren laguntza daukagu. Bera da hau gauzatzeko behar diren bolondresak jartzen dituena, “Gure txanda da” bere sentsibilizaio kanpainarekin bat eginez.
Ekimen horrekin, Realak erantzukizun sozialean eta pertsonekiko eta ingurunearekiko konpromisoan jokatu beharreko rola jokatzen du, jakitun baita futbola izan daitekeela biderik onena ingurumen portaera jasangarriagoak bultzatu eta anplifikatzeko.
Halaber, Kutxa Ekoguneak gizartean ohitura jasangarriak ezartzea bultzatzen du, eta ekonomia zirkularra sustatzen du, klubarekin zein zaleekin elkarlanean arituz.
“Anoetatik Gipuzkoako Baratzetara”, hondakinak kudeatzeko egitasmo aitzindaria, gizarte osoarentzako jarraibide bihurtu nahi dena.
