Emakumezkoen lehen taldeak gaur goizean ekin dio denboraldi-aurreari Zubietan Natalia Arroyo entrenatzaile berriaren eskutik. Jokalariak pilak kargatuta itzuli dira lanera, ilusioz betetako kanpaina bati aurre egiteko. Nuria Rábano, Gemma Gili, Amaiur Sariegi, Maitane Lopez eta Sanni Fransi izan dira lehen saioko aurpegi berriak. Denboraldi-aurreko lehen egunean Mirari Uria, Elene Guridi, Izarne Sarasola, Elene Viles eta Claudia Fernandez jokalariek ere parte hartu dute. Kiana Palacios eta Ana Tejada aurrerago itzuliko dira taldera.
