Realeko Futbol Zuzendaritzak Reala C-ren bajen berri eman du. Beñat Eizagirre, Julen Odriozola, Jon Ander Obeso eta Joanes Begiristain jokalariek ez dute klubean jarraituko. Talde txuri-urdinak eskerrak eman nahi dizkie jokalariei gure harrobiko kide izan diren denbora guztian (Eizagirre, 8 urte klubean; Odriozola, 8 urte; Obeso, 5 urte; Begiristain, 2 urte) erakutsi duten konpromisoagatik, baita azken denboraldi honetan RFEF Bigarren mailara igotzeko erakutsi duten mailarengatik. Realak onena opa die etorkizun pertsonal eta profesionalerako.