Dena erabakitzeke. Realak berdinketa sinatu du Alkmaarren. Bi taldeetako edozeinek irabazi ahal izan du partida parekatua.
Gaurko norgehiagokak ez du zerikusirik izan bi taldeek Reale Arenan duela aste batzuk jokatu zutenarekin. Etxekoak presioa egiten atera dira, gorago eta intentsitate handiagoarekin. Realak, pixkanaka-pixkanaka, bere agintea lortu du norgehiagokan, eta, ordu laurdenera, erritmoan agindu du. Donostiarren aukerarik argiena Januzajek izan du, baina belgikarrak ez du errematearekin asmatu. Holandako koadroak bi aukera garrantzitsu izan ditu. Stengsen jaurtiketa bat, oso gutxigatik desbideratuta, eta Remirok, geldiketa izugarrian, kornerrera bidaliz Midtsjoren jaurtiketa. Realak pisua eraman du, baina aukerak banatu dira.
Lehen ordu laurdenean bi susto garrantzitsu iritsi dira atera. De Witen burukada batek Remirok salbatu du, eta langak Koopmeinersen gola eragotzi du areaz kanpotik egindako ezkerkada batean. Hortik aurrera Reala izan da gehien bultzatu duena eta Roberto Lopezen falta jaurtiketa batekin aurrea hartzeko aukera izan du. Hori bai, azken minutuetan, oso aukera argiak izan dira bi taldeentzat, eta edonork eraman ahal izan du garaipena etxera.
Puntu horrek taldea irekita uzten jarraitzen du. Bi final geratzen dira. Haien bila. Aupa Real!
Fitxa teknikoa:
AZ Alkmaar: Bizot, Svensson, Hatzidiakos, Martins Indi, Wijndal, Midtsjo, De Wit, Koopmeiners (kap), Stengs, Karlsson (Aboukhlal, min.71) eta Gudmundsson (Boadu, min.71).
Real Sociedad: Remiro, Zaldua, Aritz, Le Normand, Monreal, Zubimendi, Merino, Oyarzabal (kap)(Merquelanz, min.86), Portu (Barrenetxea, min.82), Januzaj (López, min.73) eta Isak (Willian José, min.73).
Epailea:
Stavrev (Macedonia). Txartel horiak etxeko Midtsjo, Svensson, Martins Indi, Hatzidiakos
eta Boadurentzat eta kanpoko Oyarzabalentzat.
