Peluxeak, baloiak, futbol kamisetak, panpinak... opari asko eta oso bereziak. Larunbatean zale txuri-urdin askok Reale Arenara eraman zuten bere opari berria. Gipuzkoako Gurutze Gorriaren "Beren eskubideak jokoan" kanpainari esker eta Real Sociedad Fundazioaren laguntzarekin, SD Eibarren aurkako neurketaren aurretik Estadioaren inguruan lau gune kokatu ziren nahi zuten zale guztiek lagun zezaten jostailu berriekin. Helburua aurtengo gabonetan ume guztiek haien oparia edukitzea da.
Arratsaldeko 14:00etatik Gurutze Gorriko laguntzaileak eta harrobi txuri-urdineko jokalariek lau gunetan lagundu zuten jostailuak jasotzen. Guztiek lagundu nahi izan zuten. Realeko presidenteordea, Angel Oyarzun, eta SD Eibarreko kontseilaria, Jon Ander Ulazia, gune batera hurbildu ziren bi taldeen kamisetak uzteko.