Zarautzen ospatuko da igandean Kilometroak 2019 festa, aurten Salbatore Mitxelenaren alde egingo den gipuzkoar ikastolen aldeko festan. Aurreko urteetan bezala, Reala Kilometroak festan izango da, oraingoan ‘Ni, hi, hura, ikastola mundura’ lemapean ospatuko dena. Real Sociedad Fundazioaren eta Kilometroak Kultur Elkartearen arteko lankidetza akordioaren esparruan, klub txuri-urdinak, bere Fundazioaren bidez, festa handi honetan parte hartuko du. Real Sociedad Fundazioak esparru bat izango du ibilbidean, lehenengo gunean kokatuko dena. Jardunaldian zehar, zaleek tailer eta baloiarekin egingo diren joko desberdinez disfrutatzeko aukera izango dute (3x3, futbol tenisa,…), Real Sociedad Fundazioaren monitoreek zuzenduko dituztenak.