Realak bat eta huts galdu du gaur arratsaldean RCD Espanyolen aurka. Azaltzen zaila den porrota, bi arrazoirengatik: Reala hobea izan delako eta Mateu Lahozek, bere erara Isaken gol bat baliogabetu duelako.
Lehen zatian zutoinera joandako bi baloi izan dira gauzarik esanguratsuena, bat talde bakoitzeko, aukerarik argienetan. Lehenengoa Le Normandena izan da, korner baten irteeran ezkerkada batekin Diego López baloia ukitu eta egurrera bidaltzeko bere burua ahalik eta gehien eskatzera behartu duena. Ondoren, Javi Puadok proban jarri du Remirok ondo atera duen ezkerkada batekin. Aurrelariak, jokaldi pertsonal batean, punterakada bat bidali du egurrera, eta ia barruan sartu da. Reala ondo iritsi da area ertzeraino, baina hor falta izan zaio partidak erabakitzeko beharrezkoa den hori.
Reala oso ondo zelairatu da bigarren zatian. Oso gertu egon da aurrea hartzetik, baina Diego Lopezek bere taldea salbatu du korner baten irteeran, baloi solte bati egindako geldiketa zail batekin. Txuri-urdinak jaun eta jabe izanik, zaila da azaltzea nola ez den aurreratu, aukerak izan baititu. Januzajek, erdiraketa batekin, baloia langara bidali du inork ulertu ez duen jokaldia baino lehentxeago. Mateu Lahozek gol bat baliogabetu dio Realari inork zergatia ulertu gabe. Baloiak bere gorputzean jo du, baina abantaila utzi du baloia Realaren oinetan mantendu baita. Isaken gola ezerezean geratu da. Eta horrelakoetan gertatzen den bezala, gero aurkaria dator, bigarren zatian hurbildu ez zena, eta aurretik jartzen da. Yangel Herrerak egin du etxekoen gola. Luzapenean berdinketa lortzeko aukera argia izan du Imanolen taldeak, baina Sergi Gomezek Oyarzabalen errematea eragotzi du.
Eta horrela amaitu da partida bat ileetatik tira egiteko. Porrot guztiz bidegabea eta donostiarrak amorruz betetzen dituena. Batzuetan gertatzen da. Jarraitu egin behar da. Aupa, Real!
Ficha técnica:
RCD Espanyol: Diego López (cap), Aleix Vidal, Sergi Gómez, Cabrera, Pedrosa, Yangel, Keidi Bare (Morlanes, min.58), Puado, Darder, Embarba (Melamed, min.58) y De Tomás (Loren, min.90).
Real Sociedad: Remiro, Gorosabel, Zubeldia, Le Normand, Rico, Guevara (Navarro, min.81), Zubimendi, Portu (Barrenetxea, min.60), Januzaj, Oyarzabal (cap) y Sorloth (Isak, min.60).
Gol: 1-0: Yangel, min.77.
Epailea: Mateu Lahoz. Txartel horiak etxeko Aleix Vidalentzat eta kanpoko Sorlothentzat.