Realak denboraldiko hirugarren partida jokatu du Alavesen aurka Reale Arenan. Partida bat eta bi amaitu da, eta Mikel Oyarzabali ateratako txartel gorriak asko eragindako partida izan da.
Lehen zatiaren hasiera oso parekatua izan da, Txuri Urdin taldearen aldeko pare bat aukera garbiekin. 29. minutuan, eta epaileak VARa berrikusi ondoren, Oyarzabali txartel gorria erakotsi dio sarrera gogor batengatik. Minutu batzuk geroago, 33. minutuan iritsi da donostiarren lehen gola, Brais Mendezek ate aurrean errematatu du Sergio Gómezen alboko pase telegidatu bikain bati esker. Amaieran, 45+5. minutuan, Babazorroen lehen gola iritsi da. Asier Villalibrek bilakatu duen penalti bati esker. Bigarren zatia ere oso parekatua izan da, aukera askorik gabe. Baina 77. minutuan etorri da gasteiztarren bigarrena, T. Martinezek, ate aurrean bakarrik definitzeko aprobetxatu duen alboko pase baten ondoren. Etxekoek markagailua berdindu nahi izan duten arren, ez dute lortu.
Donostiarrek porrota jasan dute 60 minututik gora jokalari bat guatxiagorekin jokatu behar izan duten partidan. Une honetatik, igandean Coliseum Alfonso Pérezen Getaferen aurka jokatuko den partidan pentsatzen.
Fitxa Teknikoa:
Real Sociedad: Remiro, H. Traoré, Zubeldia (Turrientes, min 81), Pacheco (Martín, min 46), Javi López, Zubimendi, Brais Méndez (Marin, min 81), Sergio Gómez (Olasagasti, min 81), Take, Becker (Sadiq, min 66) eta Oyarzabal (kap).
Deportivo Alavés: Sivera, Novoa, A. Abqar, Pica, Diarra (Manu Sánchez, min 63), Guevara (kap), Carlos V. (Blanco, min 90+1), Guridi, A. Rebbach (T. Martinez, min 70), Protesoni (Stoichkov, min 46) eta Villalibre (Kike, min 63).
Golak: 1-0: Brais Mendez, min 33; 1-1: Asier Villalibre, min 45+5; T. Martinez, min 77.
Epailea: Sánchez Martínez. Txartel horia erakutsi die etxeko Pacheco, Zubeldia, Take, eta Martíni, eta kanpoko Stoichkov, A. Rebbach, Sivera eta Manu Sánchezi. Txartel gorria erakutsi dio Oyarzabali (min 30.).
